Shoqata e Artistëve dhe Arizanëve “Globus Art“ organizon një ngjarje të quajtur „Qilim Fest 2025“ për herë të parë në Pazarin e Suvenireve në Ulqin nga 15 deri më 17 gusht, nga ora 19:00 deri në orën 01:00.
Si pjesë e këtij eventi, do të zhvillohen edhe këto:
- Ekspozitë e piktorëve nga Ulqini
- Panairi i prodhimeve të artizanëve vendas
- Veshje tradicionale nga komuna e Ulqinit dhe më gjerë,
- Promovimi i kafesë në gur dhe rërë, etj.
Ky aktivitet do të organizohet në bazë vullnetare nga artizanët e Ulqinit me qëllim promovimin e vlerave dhe kulturës së qytetit tonë në një vend ku ka nevojë për sa më shumë aktivitete kulturore, siç është Pazari i Suvenireve në Ulqin.
