Festivali Southern Soul, i cili mbahet në Ulqin, u gjet në listën e dhjetë festivaleve më të mira europiane sipas të përditshmes britanike The Guardian.
Guardian rikujton se ky festival mbahet tash tre vite dhe se këtë vit do të pres më shumë se 40 artistë.
Festivali i sivjetmë Southern Soul do të mbahet prej datës 25 deri më 28 qershor në plazhin Dolcinium në Ulqin. Ndër pjesëmarrësit janë Gilles Peterson, Ron Trent, Detroit Swindle, Shuya Okino, Red Reck’em, Eddy Ramich, Scrimshire, Unwanted Family, Harv dhe Shep Kennedy.
“Shikojeni këtë si një pushim muzikor: ky është një nga ato festivalet nga të cilët ktheheni të freskuar”, shkruan Guardian.
