Numri i mysafirëve në dy ditët e fundit shumë ka rënë në rivierën e Ulqinit, kështu që sot janë rreth 20 mijë.
Të gjithë të cilët kanë dobi nga turizmi pajtohen se gushti ishte muaji më rekord për nga numri i mysafirëve në Ulqin në 25 vitet e fundit.
Është gati e sigurt se fundi i vitit 2015 do të tregojë se në gusht janë realizuar bujtje sa në 11 muajt tjerë të këtij viti!?
Ajo që ndoshta është më e rëndësishme është fakti se ky muaj ishte rekord edhe për nga fitesa. Sepse, në Ulqin është rregull që deri në gusht duhet punuar që të mbulohen shpenzimet dhe detyrimet tjera, ndërsa pastaj, praktikisht, të gjitha janë fitesë.
