“Problemit të Kripores i qasen në mënyrë mekanike, statistikore dhe juridike në mënyrë që deklarohen vetëm shifrat – borxhet, falimentimi, kreditorët. Por, asaj i nevojitet marrëdhënia e nënës dhe përpjekja që të shërohet gjendja aktuale me plane afatgjate të valorizimit të kësaj hapësirë prej 15 milion metër katrorë në principin e zhvillimit të qëndrueshëm dhe ekonomisë së gjelbër”, thuhet në letrën të cilën drejtori ekzekutiv i OJQ “Hapi i gjelbër” Xhelal Hoxhiq ja ka dërguar ministrit të ekonomisë në Qeverinë e Malit të Zi Vlladimir Kavariq.
Hoxhiq thekson që Kriporja është lokalitet ornitologjik i njohur ndërkombëtarisht për vështrimin e zogjve, hapësirë e cila jep mundësinë për rritjen e peshkut të bardh të detit, me sasi të mëdha të baltës shëruese si bazë për zhvillimin e turizmit rehabilitues (banja turistike). “Për këtë arsye ajo nuk meriton të ofrohet në bazë të parimit “kush jep më shumë”, si në ndonjë treg dhe pa pëlqimin e qytetarëve të Ulqinit, bashkësisë lokale dhe punëtorëve-aksionar, pa plan të biznesit dhe pa komponentin social, ekologjik dhe etik”, tha ai dhe theksoi që Kriporja duhet të jetë pik nisja e zhvillimit të ardhshëm të Ulqinit.
Hoxhiq ftoi Ministrinë e ekonomisë që mbas sezonit në këtë komunë të organizoi tryezën e rrumbullakët me temën “Ulqini: dje, sot, nesër – si më tej?”.
