Gati çereku i atyre të cilët këtë vit nga Mali i Zi do të udhëtojnë në vizitë të vendeve të shenjta të myslimanëve Meke dhe Medine janë njerëz nga Ulqini. Të dielën në njërën nga xhamitë e qytetit është thënë duaja për 25 persona të cilët, siç është planifikuar, të premten do të nisen në haxh.
Nga Mali i Zi në Arabinë Saudite do të udhëtojnë gjithsej 105 persona. Çmimi i aranzhimit në organizim të BI MZ është tre mijë euro.
Të shkuarit në haxh në kohën e Kurban-Bajramit është pelegrinazhi më i madh i myslimanëve. Haxhi është një nga themelet e islamit dhe për këtë arsye është e detyrueshme njëherë të kryhet haxhi, nëse njeriu ka mundësi.
