Disa këshilltarë në Parlamentin e Ulqinit të premten, me kërkesë të Prokurorisë së lartë shtetërore, kanë dhënë deklaratat në hapësirat e policisë së Tivarit rreth dijenive të tyre për “rastin Kino bahçja”, derisa disa do ta bëjnë këtë gjë në fillim të javës së ardhshme, mëson Portali Ul-info.
Deklaratat më herët i kanë dhënë edhe shumica e ish anëtarëve të Këshillit drejtuese “Qendra për kulturë”, si dhe drejtues të këtij institucioni.
Për shkak të mosshfrytëzimit të kësaj hapësirë për atë çfarë është dedikuar dhe për shkak të mosveprimit të organeve dhe institucioneve të Komunës sipas vendimeve të instancave më të larta gjyqësore, Komuna e Ulqinit në pranverë të këtij viti përfundimisht e humbi këtë pronë jashtëzakonisht të vlefshme në Ranë.
