Cilësia e ujit të detit kohët e fundit u përmirësua konsiderueshëm në Ulqin. Në numrin më të madh të plazheve të Ulqinit uji është me cilësi të shkëlqyer, është i rregullt për nga ana sanitare dhe e i sigurt për larje dhe rekreacion.
Gjendja është e keqe në kanalin e Port Milenës, dikur simbolin e Ulqinit dhe dikur rezervuari më i madh natyror për shumëzimin e peshkut në Mesdhe.
“E mbaj mend këtë kanal prej viteve 60 të shekullit të kaluar. Isha fëmijë dhe për çdo ditë jam larë në kanal. Uji ishte i kristaltë. Sot aty vetëm njeriu i çmendur do të notonte”, tha publicisti dhe kroniku nga Ulqini, kryetari i Shoqatës “Kalaja” Ismet Karamanaga.
