Të dielen mbrëma (11 shkurt 2024), në moshën 83-vjecare, është ndarë nga jeta Fadil Kroma.
Fadili ishte një njeri i qetë, i kulturuar, i lexueshëm, me një fjalë një njeri i mirë në plot kuptimin e fjalës.
Fadilin e kisha jo vetëm baxhanak, por më shumë – dorën time të djathtë. Për çdo gjë konsultohesha me të.
Fadili e kishte pasion librin dhe kulturën. Ka qenë udhëheqës shumëvjeçar i Bibliotekës së Ulqinit. Kjo bibliotekë është personifikuar me emrin e Fadilit, kurse hija e tij vazhdon akoma sot në punën e saj.
Ai ka dhënë një kontribut të madh edhe në hapjen e Shkollës së Muzikës në Ulqin.
Edhe pas daljes në pension, ai ka vazhduar të ndjekë rregullisht aktivitetet kulturore, por edhe të shkruajë. Si trashëgim ka lënë librin “Shënimi i bibliotekistit”, një dëshmi e rrugëtimit ndër vite të Bibliotekës së Ulqinit.
Fadili e donte Ulqinin, jetonte dhe punonte për të.
Me vdekjen e tij, Ulqini ka humbur një njeri profesionist dhe të përkushtuar.
Familjes së tij i shprehi ngushëllime të sinqerta.
Qoftë i përjetshëm kujtimi i tij.
(Jusuf- Cufo Lika)
