Sipas të dhënave që flasin për zhvillimin e komunave në Mal të Zi, Ulqini vazhdon të jetë një nga vetëqeverisjet vendore më pak të zhvilluara në Bregdet.
Ministria e Ekonomisë publikoi se indeksi i zhvillimit të komunës së Ulqinit është 83,31 për qind nga niveli shtetëror. Përndryshe, kjo është për tetë për qind më shumë se pesë vite më herët.
Ky indeks përfshinë shkallën e papunësisë, të ardhurat për banor, të ardhurat buxhetore të komunës për banor dhe shkallën e arsimit.
Më të zhvilluar se Ulqini, sipas këtij tregues, janë të gjithë komunat e Bregdetit, si dhe Podgorica, Danillovgradi, Nikshiqi, Cetina dhe Zhablaku.
