Komuna e Ulqinit me ndihmën e komuniteteve fetare, shoqatës së sipërmarrësve dhe individëve këto ditë do të nis iniciativën për blerjen e një automjeti mjekësor për Urgjencën e këtij qyteti.
Automjetet ekzistues në këtë shërbim janë në gjendje të keqe, kështu që është e nevojshme që diçka e tillë sa më parë të ndryshohet.
“Si pushtet lokal jemi të detyruar të kujdesemi për sigurinë e qytetarëve tonë. Në këto raste, nëse vetëm pak vonohet mund të humbet jeta, e ajo nuk mund të kthehet”, tha nënkryetari i komunës Safet Beci dhe shtoi që pushteti lokal do të ndihmojë në përmirësimin e cilësisë, shpejtësisë dhe efikasitetit të punës së shërbimit të Urgjencës në Ulqin.
