Qendra për mbrojtjen dhe hulumtimin e shpendëve (CZIP) i dërgoi iniciativë Postës së Malit të Zi që, nëpërmjet veprimtarisë së tyre të rregullt, të ndihmojë promovimin e vlerave dhe bukurive të Kripores së Ulqinit, për shkak të rëndësisë që ajo ka si vendstrehim i fundit për miliona shpendë të cilët, në rrugëtimin e vet të gjatë drejt Afrikës, e përdorin si vend për pushim, ushqim dhe për ndërtimin të folesë.
“Duke pas parasysh që Posta e Malit të Zi më herët ka pranuar iniciativën tonë për lëshimin e një serie të pullave postare me imazh të pelikanit, kemi propozuar që në kuadër të serisë së veçantë për filatelistët, të përdorin ambasadorët e Malit të Zi – shpendët. Me qëllim promovimin e ornitofaunës së pasur dhe të shumëllojshme kemi propozuar shtypjen e pullave me imazhin e flamengove (Phoenicopterus roseus), një nga shpendët më karizmatik në botë i cili tek ne mund të shihen gjatë gjithë vitit pikërisht në Kripore të Ulqinit”, thuhet në kumtesën e kësaj organizate të njohur.
