Këshilli komunal i Partisë demokratike të socialistëve ka dorëzuar në Kuvendin komunal të Ulqinit iniciativën për ndryshimin e Vendimit për përcaktimin e vlerës së tregut të patundshmërive për vitin 2017, mëson Portali Ul-info.
Pritet që kjo iniciativë të jetë në rend të ditës në mbledhjen e parë të ardhshme të parlementit lokal.
Vendimi i cili është në fuqi u soll në dhjetor të vitit të kaluar, ndërsa nëse miratohet kjo iniciativë e PDS-së qytetarët e Ulqinit do të paguajnë tatim më të ulët në patundshmëri.
