Në mbledhjen e djeshme të kryetarëve të Durrësit dhe Ulqinit Vangjush Dako dhe Fatmir Gjeka u morr iniciativa që gjatë verës të hapet linja e tragetit në mes këtyre dy qyteteve, mëson Portali Ul-info. Siç është vlerësuar, kjo linjë do të ishte shumë atraktive për turistë të cilët vizitojnë Ulqinin dhe Durrësin.
Supozim për realizimin e kësaj iniciativë është që në Ulqin të ekzistojë pika kufitare për komunikacion detar ndërkombëtar.
Me Vendim të Qeverisë së Malit të Zi portet e Tivarit, Kotorrit dhe Zelenikës janë të përhershme, derisa porti i Budves është pikë kufitare sezonale i cili është i hapur prej 1 majit deri më 31 tetor.
