Enti për punë inspektuese ka filluar kontrollin e forcuar të prodhuesve, importuesve dhe shitësve të artikujve nga metalet e çmueshme në territorin e Komunës së Ulqinit dhe Tivarit, thuhet në kumtesën e publikuar në faqen e Entit për punë inspektuese.
“Kontrolli bëhet me qëllim parandalimin e shitjes ilegale të artikujve nga metalet e çmueshme, me çrast kryhet kontrolli i vendosjes së shenjës së cilësisë, shenjës së prodhuesit, gjegjësisht shenjës së importuesit dhe vulave shtetërore në artikujt nga metalet e çmueshme.
Po ashtu, kryhet kontrolli i peshoreve sa i përket saktësisë teknike si dhe a janë të verifikuara me vulën shtetërore, në mënyrë që të sigurohen rezultatet e sakta të matjes, e të gjitha me qëllim të mbrojtjes së konsumatorit”, përfundohet në kumtesë.
