Ditët e ardhshme Inspekcioni komunal do të shpeshtojë kontrollet e objekteve afariste dhe hotelerike të cilët punojnë, e nuk kanë lejet e nevojshme, njoftohet për Portalin Ul-info nga ky shërbim.
Një nga drejtuesit e Inspekcionit komunal Amir Mehmeti ka apeluar tek pronarët e këtyre objekteve që në afat sa më të shkurtë të nxjerrin dokumentet e nevojshme për punë, sepse në të kundërt do të sanksionohen.
Sipas tij, inspektorët republikan të ndërtimit do të vazhdojnë aksionet e veta në ndalimin e ndërtimit të egër. “Bëhet fjalë, para së gjithash, për kontrolle më të shpeshta”, tha Mehmeti.
Ai theksoi se inspektorët komunal ishin në Kala, ku vijon rikonstruktimi i disa objekteve, dhe që e kanë kryer pjesën e tyre të punës.
