Javën e ardhshme Ulqin do të jetë mikpritës i një numri të madh të diplomatëve. Që të hënën për problemet e Kripores dhe mundësit e tejkalimit të situatës së rëndë në këtë ndërmarrje më të vjetër në Ulqin do të diskutojnë dhjetë përfaqësues të ambasadave të huaja të akredituara në Podgoricë.
Të premten, në Ulqin vjen shefi i Departamentit për Mal të Zi në Drejtorinë e përgjithshme për zgjerim të Komisionit Europian Dirk Lange dhe drejtuesi i Delegacionit të Bashkimit europian në Podgoricë, ambasadori Mitja Drobniç. Ato, përveç të tjerash, do të flasin me kryetarin e komunës Fatmir Gjeken dhe do të vizitojnë Zyrën për marrëdhënie ndërkombëtare dhe projekte të komunës së Ulqinit.
