Manifestimi tradicional “Kalimera poetike”, të cilin e organizon Shoqata e artistëve dhe intelektualëve “Art club” nga Ulqini, do të përfundojë sonte.
Në skenën e Kalasë publikut do t’i prezantohet poeti dhe publicist i njohur nga Novi Pazari Enes Haliloviq.
Për krijimtarinë e tij do të flasë kritiku letrar Vllatko Simunoviq, ndërsa moderatori i mbrëmjes do të jetë Andrej Nikolaidis.
Përndryshe, mbrëmë në kuadër të manifestimit u mbajt mbrëmja autoriale e shkrimtarit nga Kosova Ag Apollonit, ndërsa u hap edhe ekspozita e piktorit Qazim Muja.
