Në vendkalimin kufitar Sukubinë-Muriqan ditët e fundit kalojnë 15 mijë njerëz gjatë ditës në të dy drejtimet, mëson Portali UL-info. Kjo sasi e trafikut është rekord në këtë kalim të përbashkët kufitar, i pari i këtij lloji në Evropën juglindore, i cili është hapur në vitin 2002.
Mbasi që ky trend do të vazhdoj edhe ditët e ardhshme, është e qartë që numri i përgjithshëm i kalimeve në Sukubinë do të afrohet shifrës prej dy milion njerëz dhe rreth gjysmë milioni makina në vitin 2013.
Në fillim të qershorit delegacionet e policisë kufitare të dy shteteve i kanë koordinuar procedurat për kalim më të thjesht të kufirit, por për shkak të numri shumë të madh të makinave për të kaluar megjithatë duhet të pritet disa orë.
