Nëse dëshiron të jetë anëtar i plotëfuqishëm i BE-së, Mali i Zi duhet të ketë rrjetin Natura 2000 të zonave të mbrojtura dhe në kuadër të tij zonën e mbrojtur të Kripores së Ulqinit, si dhe të rris kontrollin në zonat tashmë të mbrojtura, njoftohet nga Drejtoria gjenerale për mjedis jetësor të Komisionit europian (KE).
Siç transmeton “Vijesti”, Malit të Zi i është thënë se duhet të shpallë zonat e mbrojtura në det, shpendtë dhe kafshët tjera të mbrojtura.
Kjo, siç është thënë, në veçanti ka të bëjë me kontekstin e hulumitimit të planifikuar të naftës dhe gazit në nëndetin e Ulqinit.
