Gjatë tërë historisë Ulqin ishte qytet i njohur bregdetar. Qytetarët e tij gjithmonë i këndonin detit, inspirimit të tyre të përjetshëm dhe burimit të prosperitetit të tyre.
Përndryshe, deti në rrafshin simbolik paraqet bollëk, dije, sundimtarin e madh dhe të fuqishëm. Ai po ashtu simbolizon këtë botë dhe tmerret e saja: disa njerëz i ngritë dhe ju jep pasuri, të tjerët i varfëron dhe i përmbytë.
Kjo lojë e jetës në mënyrë të mrekullueshme është shfaqur nëpërmjet këngës lirike “O ti det-o”, e cila u krijua në Ulqin në shekullin 19.
Çdo herë kur e dëgjoj ngjallë tek unë një ndjesi të bukur. Veçanërisht është interesant vargu në të cilin thuhet: “Ti ke hyqëm me i përpi-e, por je i gjanë e duron shumë“.
Me të vërtet, këtë gjërësi që ka deti, durimin, tolerancën, i nevojitet çdo njeriu në mënyrë që, sot dhe këtu, të jetojë.
Prandaj kjo këngë, të cilën në mënyrë të mrekullueshme e këndon Qemal Kertusha, është gjithmon aktuale. (M.C.)
