Në Kuvendin elektoral për zgjedhjen e anëtarëve të Këshillit nacional të shqiptarëve (KNSH) në Mal të Zi do të jenë 112 elektor, mëson portali UL-info. Shumica e tyre janë anëtar të partive politike.
Të drejtën të jenë elektor në përmbajtjen e re të KNSH-së kishin të gjithë qytetarët mbi 18 vjeç, të cilët deklarohen si shqiptar dhe kandidaturën e të cilëve e kanë përkrah me nënshkrime të paktën 60 pjesëtar të kësaj popullsie.
Komisioni zgjedhor i Këshillit, të cilën e udhëheq Ali Rexha, është afër përfundimit të përpunimit të materialit dhe të nënshkrimeve. “Të gjitha i kemi bërë sipas rregullores të cilat i caktoj Ministria për të drejtat e njeriut dhe pakicave”, kumtuan nga KNSH.
Pritet që Kuvendi zgjedhor i institucionit Nacional të Shqiptarëve në Mal të Zi do të mbahet në fund të korrikut apo fillim të gushtit.
