Anëtari i Këshillit për privatizim Branko Vujoviq ka deklaruar se muajin e kaluar Qeveria e Malit të Zi ka vendosur që pronësinë për tokë nga shteti ta përcjell në përdorim të përhershëm Ndërmarrjes hotelerike-turistike “Riviera e Ulqinit”.
Në këtë mënyrë praktikisht janë plotësuar kushtet për privatizimin e kësaj ndërmarrje më të madhe në Ulqin. Sepse, deri tani në mënyrë të pasuksesshme janë shitur aksionet e kësaj kompani në pronësi shtetërore, ndërsa toka me të cilën ajo disponon është dhënë me qira afatgjate.
Mirëpo, për kësi lloj zgjidhje, në tre tenderët e shpallur deri tani nuk kishte të interesuar.
