Këshilltari i Partisë demokratike të socialistëve në parlamentin lokal Arian Lamoviq ka vlerësuar se për shkak të vapës së madhe, sezonit turistik i cili është akoma në vijim, si dhe trafikut të rënduar në qytet, duhet të shtyhet data e fillimit të vitit shkollor në Ulqin.
“Valët e mysafirëve akoma vijnë në rivierën e Ulqinit, paralajmërohet moti shumë i nxehtë për këtë periudhë të vitit edhe në ditët e ardhshme, kështu që jam i bindur se viti shkollor duhet të fillojë rreth 10 shtatorit”, tha ai.
Sipas fjalëve të tija, problem të veçantë kanë prindërit të cilët fëmijët e vet i çojnë në SHF “Boshko Strugar” për shkak të komunikacionit të rënduar.
Lamoviq ftoi Ministrinë e arsimit dhe kryetarin e komunës së Ulqinit Fatmir Gjeken të shqyrtojnë këtë propozim.
