Kryetari i Kuvendit komunal Milazim Mustafa, ka thirrur për të premten, në ora 11, mbledhjen e Kolegjiumit. Këtë trup të cilin e përbëjnë kryetarët e klubeve të Parlamentit lokal duhet të vendosin kur do të bahet mbledhja e Kuvendit dhe me cilat pika të rendit të ditës.
Mustafa në fund të javës së kaluar tha që “duhet të merremi me rebalancin e buxhetit, raportin e punës së kryetarit dhe çështje tjera të rëndësishme”, thuke theksuar që “duhet të shihet çka dhe si më tej, sepse kjo gjendje nuk çon askund”.
Mbledhja e Kuvendit komunal është ndërprerë me 5 korrik, ose para më shumë se 100 ditëve, kur u hap diskutimi mbi Raportin e punës së kryetarit të Komunës Nazif Cungu për vitin 2012.
Nga 1 tetori Parlamenti lokal është në periudhën e seancave të rregullta.
