Këshilltarët e Kuvendit komunal të Ulqinit kanë miratuar sot plotësimin e planit të objekteve të përkohshme në territorin e komunës për këtë vit.
Partitë opozitare kanë deklaruar që vendimi është sjell me shkeljen e procedurave dhe ligjeve. „Do të ketë shumë stenda, e kjo nuk i kontribuon ofertës turistike të Ulqinit“, tha kryetarja e Klubit të këshilltarëve të Unionit demokratik të Shqiptarëve Hadixhe Gjoni.
Nga pushteti kanë thënë që në këtë mënyrë sigurojnë mjete shtesë për buxhetin komunal. Ato shtuan që është e nevojshme që në të ardhmen qeverisja komunale në mënyrë më cilësore të informojë qytetarët mbi këto çështje.
