Gjatë kësaj jave Parlamenti lokal dy herë do të mblidhet jashtëzakonisht. Nesër do të mbahet mbledhja me një pikë të rendit të ditës, shqyrtimi i gjendjes në Kripore, mbas së cilës do të miratohen përfundimet.
Siç na tha kryetari i Kuvendit komunal Fuad Haxhibeti, të premten në ora 15, këshilltarët do të mbajnë seancë të jashtëzakonshme edhe për kredi. Në administratën lokale kanë vlerësuar që tani kur çdo gjë është e qartë rreth kësaj nuk duhet të pritet edhe dhjetë ditë deri në mbledhjen e rregullt të Parlamentit. Sidomos për arsye se këto para kryesisht përdoren për pagesën e pagave të prapambetura të punëtorëve të komunës dhe ndërmarrjeve publike, si dhe për përgatitjen e sezonit.
