Kryetari i Kuvendit komunal Fuad Haxhibeti ka thirr për 8 gusht (të premten) Mbledhjen e dytë të jashtëzakonshme të Parlamentit lokal.
Sipas propozimit, në këtë seancë do të diskutohet për 13 pika të rendit të ditës. Këshilltarët do të sjellin Vendimin për dhënien e hipotekës për marrjen e kredisë prej pak më shumë se gjysmë milioni euro nga Fondi zhvillimor investues, si dhe të vërtetohet Plani i vendosjes së objekteve të përkohshme për vitin vijues dhe Propozimi i llogarisë përfundimtare të buxhetit të Komunës së Ulqinit për vitin e kaluar me Raportin e revizionit të kryer.
Në rendin e ditës këtë javë gjenden dhe raportet për punë të ndërmarrjeve publike si themelues i vetëqeverisjes lokale.
