Me nismën e Këshillit Kombëtar të Shqiptarëve në Malin e Zi, është zhvilluar një takim me drejtorët e shkollave në të cilat mësimi zhvillohet edhe në gjuhën shqipe.
Gjatë këtij takimi, është diskutuar hapur për problemet, çështjet dhe kërkesat me të cilat ballafaqohen shkollat dhe arsimi në gjuhën amëtare, në kuadër të iniciativës për reformat në sistemin arsimor të nisur nga Ministria e Arsimit, Shkencës dhe Inovacionit në Mal të Zi.
U arrit një vendim që secili nga drejtuesit e shkollave në formë të shkruar të dërgojë në adresë të Këshillit kërkesat specifike të secilës shkollë dhe ato të përgjithshme, në mënyrë që përmes Këshillit Kombëtar t’u drejtohemi institucioneve kompetente, në një formë të strukturuar.
