Të nderuar mësimdhënës, ju që me përkushtimi dhe punën tuaj vazhduat rrugën e nisur nga Pandeli Sotiri, Petro Nini Luarasi, motrat Qiriazi dhe shumë të tjerë të cilët me shumë mund e sakrifica hapen shkollën e parë shqipe në Korçë me 7 mars të vitit 1887.
Falë punës tuaj mundësuat që kombi shqiptarë edhe pse i ndarë në shumë shtete, ende vazhdon të mendoj, flasë e shkruaj shqip.
E dimë se puna dhe sakrifica juaj kurr nuk kanë qenë të shpërblyera sa duhet, mirëpo ju jeni të vetëdijshem se keni një mision fisnik përpara.
Prandaj në emër të Këshillit Nacional dhe të gjithë shqiptarëve në Malin e Zi, ju ftoj që ta vazhdoni me përkushtim punën tuaj fisnike, të edukoni brezat e rinjë me frymën kombëtare, me dashurin për dituri, liri dhe qytetari.
Këshilli Nacional i Shqiptarëve në Malin e Zi ju uron të gjithëve gëzuar 7 marsin ditën tuaj më të veçantë, duke ju kujtuar se tek Këshilli Nacional i Shqiptarëve do të gjeni gjithmonë mbështetje.
Edhe njëherë gëzuar !
