Në mbledhjen e sotme të Kolegjiumit të Kuvendit komunal të Ulqinit është arritur përfundimi që të hënën, më 29 dhjetor, të mbahet mbledhja e Parlamentit lokal nëse nesër këshilltarëve i dorëzohet Propozimi i buxhetit për vitin e ardhshëm dhe Plani i rregullimit hapësinor, mëson Portali Ul-info.
Përfaqësuesit e opozitës kanë thënë që duhet të respektohen normat ligjore dhe materialet duhet të dorëzohen në kohë në mënyrë që këshilltarët të kenë mundësi të përgatiten për diskutimet, propozimet dhe vërejtjet e veta, sidomos kur bëhet fjalë për vendime kaq të mëdha.
Në këtë mbledhje të Kuvendit komunal do të jenë edhe disa vendime tjera ku përfshihet edhe Plani i aksionit për luftë kundër korrupsionit në komunë të Ulqinit.