Pushteti dhe opozita e Ulqinit kanë mendime dijametralisht të kundërta kur vlerësojnë gjendjen në vetëqeverisjen lokale të shkaktuar me mos emërimin e administratorit kryesor mbasi që para katër muajve, udhëheqësi i këtij organ Jakup Murati dha dorëheqje.
“Unë si zëvendësim të administratorit të vjetër vendosa Qazim Çaushin dhe kjo është në pajtim me ligjin. Ai do të jetë personi kryesor i autorizuar për punët nën kompetencat e këtij organi dhe do ti kryej deri tek zgjedhja e administratorit të ri”, tha për “Dan” kryetari i komunës Nazif Cungu. Ai tha që në mbledhjen e parë të ardhshme do të verifikohet vendimi që për administrator kryesor të ri të emërohet Allmir Mollabeqiri, i cili për momentin është shefi i tij i kabinetit.
Për kryetaren e Klubit të këshilltarëve të Unionit Demokratik të Shqiptarëve Hatixhe Gjoni, kryetari i komunës është fajtori kryesor për situatën në të cilën komuna ndodhet. “Nazif Cungu me siguri ka perceptimin që i gjithë pushteti të jetë i koncentruar në duart e tija, si në shoqëritë e dikurshme absolutiste”, tha ajo.
Sipas fjalëve të këshilltarit të Partisë demokratike të socialistëve Luigj Shkrela, fakti që mbas dorëheqjes së Muratit nuk u zgjodh pasardhësi i tij, më së miri flet për pushtetin aktual.
“Nuk e kemi të qartë pse me muaj pritet që të mbulohet ky funksion. Siç duket ky pushtet i cili u lavdërua me ekspertët e vet nuk ka kapacitet të mjaftueshëm të mbuloj funksionet më të nevojshme për funksionimin e qeverisjes lokale”, tha kryetari i Klubit të këshilltarëve “Ulqini më i mirë, Mali i Zi më i mirë” Andrija Qetkoviq.
