Ambasadori i Republikës së Turqisë në Mal të Zi Serhat Galip, i cili pak kohë më parë u emërua në këtë post, qëndroi sot në vizitë të parë zyrtare në komunë të Ulqinit.
Për mundësitë e zgjerimit të bashkëpunimit ekonomik dhe kulturor Galip bisedoi me kryetarin e komunës Fatmir Gjeka dhe bashkëpunëtorët e tij.
Gjeka tha se është vendosur bashkëpunimi i mirë me Turqinë, gjë që është dëshmuar me vizitën të cilën delegacionin i Komunës së Ulqinit vitin e kaluar e bëri në qytetin binjak, Serik, në Antali.
Ambasadori Galip theksoi se përfaqësia diplomatike e Turqisë do të promovojë potencialet e vlefshme të Ulqinit.
Ai më vonë vizitoi Bashkësinë islame të Ulqinit dhe Xhaminë e detarëve në Ranë.
