Komisioni komunal tenderik në Ulqin ka anuluar procesin e dhënies me qira të tokës për vendosjen e objekteve të përkohshme në Ranë, ku ndodhet objekti Big Ben, shkruan “Vijesti”.
Siç thuhet në arsyetimin e Vendimit, kriteret për zgjedhjen e ofertuesit më të mirë në bazë të përdorimit më të përparshëm mund të zbatohen dhe përdoren në kundërshtim me dedikimin për të cilin janë paraparë.
Nga Komisioni paralajmërojnë që tenderi i ri do të shpallet menjëherë pas skadimit të afatit për ankesa.
