Komuna e Ulqinit të martën do të dorëzojë dokumentacionin për punën e katër viteve të fundit të cilin me kërkesë të Prokurorisë speciale për krim të organizuar para dy javësh i kërkuan inspektorët e Ministrisë së punëve të brendshme, mëson Portali Ul-info.
Pjesa më e madhe e dokumentacionit të kërkuar kishte të bënte me punën e Sekretariatit për urbanizëm, pastaj organit të financave, si dhe në punën e shërbimit për mbrojtjen e pasurisë.
Hetimi do të jetë i gjerë dhe, siç vlerësohet, do të zgjas një kohë të gjatë. Por, në disa raste, kur bëhet fjalë për disa leje urbanistike dhe dokumentacion hapësinor-planifikues, hetimi që në këtë fazë shkon në detaje.
