Filloj ndërtimi i parkingut të ri mbrapa objektit të Komunës së Ulqinit, i cili ka një kapacitet prej gati 70 vendesh të reja parkimi. Vlera e këtij investimi është rreth 120 mijë euro.
Përmirësimi i cilësisë së shërbimeve në këtë rast rritja e hapësirave të parkimit në pjesën administrative të qytetit nëpërmjet sistemimit të hapësirave ekzistuese dhe identifikimit të parkingjeve të reja është një nga prioritetet me të cilat qeverisja jonë lokale po merret intensivisht.
Në periudhën e ardhshme do të hapim edhe punime të reja për të përmirësuar gjendjen e infrastrukturës sonë lokale në pjesë të tjera të qytetit.
