Pranë Komunës së Ulqinit sot solemnisht u hap Zyra për diasporë.
Kryetari i komunës së Ulqinit Fatmir Gjeka tha se ajo do të mundësojë lidhje më të afërta të Ulqinakëve nëpër botë me vendlindje.
Ai tha se zyra veçanërisht do të jetë e fokusuar tek njerëzit e biznesit të cilët janë me prejardhje nga kjo komunë, e të cilët arritën sukses në profesionet e veta. “Më së shumti janë në Amerikë, nga biznesi e deri tek politika”, tha Gjeka.
Sipas fjalëve të drejtuesit të Zyrës Arsllan Hajdinaga, Komuna e Ulqinit është e para vetëqeverisje lokale e cila ka një institucion të tillë.