Në Panairin e sivjetshëm të patundshmërive dhe të investimeve “EXPO Real 2013” i cili mbahet në Munih nga 7 deri më 9 tetor, do të prezantohet dhe komuna e Ulqinit. Ajo ka marrë me qira stendën në sallën A1.
Panairi organizohet për të 16 herë dhe paraqet shans të mirë për njoftimin e partnerëve potencial të biznesit, e në të priten rreth 38 mijë vizitorë.
Sipas fjalëve të kryetarit të komunës Nazif Cungu, i cili do ta udhëheq delegacionin e komunës së Ulqinit në këtë panair, mundësi të madhe për investime paraqet dhe vizita e Arabisë Saudite dhe Panairi ndërkombëtarë i investimeve në Kanë, në të cilin po ashtu do të prezantohet kjo vetëqeverisje lokale.
