Në katër ditët e para të kësaj jave nga taksa e banimit në Ulqin janë mbledhur më pak se 20 mijë euro, jo zyrtarisht mëson portali UL-info. Kjo do të thotë që mesatarisht janë paguar vetëm pesë mijë euro në ditë, çka është papranueshëm pak nëse dihet që në rivierën e Ulqinit pushojnë më shumë se 80 mijë mysafirë.
Pagesa e plotë e taksës së banimit nga fillimi i këtij vit nuk kalon 110 mijë euro, çka është për rreth 10 mijë euro më pak se në vitin 2012, kur deri në 15 gusht janë paguar 118 mijë euro.
Nëse këto shifra krahasohen me ato të Budvës, atëherë gjendja është akoma më dëshpruese. Atje deri tani janë mbledhur dhjetë herë më shumë para mbi këtë bazë se sa në Ulqin! Pagesa e taksës turistike është 40 për qind më e mirë se vitin e kaluar.
