Komuna e Ulqinit ka publikuar shpalljen publike për qiramarrjen e tokës për vendosjen e objekteve të përkohshme sipas Planit të objekteve të përkohshme për vitin 2015.
Me qira jepen lokalitetet e paraqitura në tabelat të cilat janë publikuar në faqen e komunës së Ulqinit (www.opstinaulcinj.com). Shikimi i tabelave mund të bëhet edhe në mënyrë të drejtpërdrejtë për çdo ditë pune në zyrën numër 73 në ndërtesën e komunës.
Lënda e shpalljes publike janë 81 lokalitete për vendosjen e objekteve të përkohshme dhe 7 parkingje publike.
Ofertat dorëzohen në zarfet e mbyllur dhe të vulosur çdo ditë punë prej orës 09 deri në orën 14, duke filluar prej 19.05.2015 e deri më 29.05.2015 me dorëzim të drejtpërdrejtë në buronë e qytetarëve të Komunës së Ulqinit.
Shpallja publike është publikuar në gazetën ditore “Dan”, në faqen e komunës së Ulqinit (www.opstinaulcinj.com) dhe në tabelën e shpalljeve të Komunës së Ulqinit.
Hapja publike, në të cilën do të jenë të pranishëm të gjithë ofertuesit ose përfaqësuesit e tyre të autorizuar, do të bëhet më 1.6.2015, në sallën e madhe të Komunës së Ulqinit në ora 09.00.
