Komuna e Ulqinit: Takim me ambasadorin e Gjermanisë në Mal të Zi Peter Felten

Diskutuam përnjë sërë temash me fokus të veçantë për potencialin për investime. Investimet nga RF Gjermania në Mal të Zi janë vazhdimisht në rritje. Rrjeti i njohur gjerman i shitoreve Lidl së shpejti do të hapë njësinë e parë në Mal të Zi. Investimet gjermane janë të rëndësishme sepse ato sjellin jo vetëm vende të reja pune, por edhe një kulturë të fortë korporative në biznes.

Ambasadori Felten u interesua për fëmijët nga Gjermania që vijojnë mësimet në shkollat ​​e Ulqinit dhe integrimin e tyre në komunitetin lokal.

Gjatë takimit tonë, një nga temat më të rëndësishme ishte çështja e Kripores dhe menaxhimi i parkut të natyrës “Kriporja e Ulqinit”, për të cilën Ambasada e Gjermanisë është veçanërisht e interesuar.

Ka shumë hapësirë ​​për bashkëpunim. Neve na takon të punojmë me zell për të krijuar parakushtet për lidhjen sa më të fortë të shteteve dhe qyteteve tona.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…