Prokuroria speciale shtetërore ka marrë nga Komuna e Ulqinit dokumentacionin lidhur me tubimin e Partisë demokratike të socialistëve me 27 shtator të këtij viti, shkruan “Vijesti”.
Prokuroria po heton pretendimet se atë ditë, me rastin e pritjes së liderit Millo Gjukanoviq në prag të promovimit parazgjedhor, përkrahësit e kësaj parti kanë bërë faturën me vlerë 2290 euro në një kafene në Katërkollë, e cila me 18 tetor është dorëzuar Komunës së Ulqinit për pagesë.
Bashkëbiseduesi i “Vijestit” nga Komuna e Ulqinit ka thënë se sekretari për buxhet dhe financa i Komunës së Ulqinit Sead Osmanoviq, i cili është funksionar i lartë i PDS-së, për këtë rast do të merret në pyetje në prokurori në Podgoricë, sepse në faturën kontestuese gjendet nënshkrimi i tij.
