Të hënën në Mal të Zi filloi viti shkollor 2024-2025. Oborret e shkollave përsëri u mbushën me nxënës, mësimdhenës dhe prindër.
Kryetari i Komunës së Ulqinit Genci Nimanbegu vizitoi dhe përcjelli ceremonitë që u organizuan në shkollën ,,Marshall Tito,, dhe në shkollën ,,Boshko Strugar”.
Nimanbegu uroi fillimisht vogëlushët që ulen për herë të parë në bankat e shklollës , duke i uruar me zemër shumë sukses dhe një vit të mbarë në nisjen e rrugëtimit drejtë dijes. Ai po ashtu ka uruar mësimdhenësit për misionin e tyre fisnik të edukimit.
Kryetari Genci Nimanbegu tha se prioritet i Komunës së Ulqinit dhe i shoqërisë mbetet investimi në arsim i cili është i sugurtë për të ardhmen evropiane që është dhe mbetet synimi ynë.
Ceremoni festive ishte sot edhe në shkollën ,,Bedri Elezaga”. Ky institucion nga bankat e të cilit kanë dalur dhjetra intelektual të njohur sot kishte një pamje festive.
