Të nderuar qytetarë!
Jemi në sezonin e verës, periudhë që karakterizohet me temperatura të larta, të cilat rrisin ndjeshëm rrezikun e shfaqjes dhe përhapjes së shpejtë të zjarreve në hapësira të hapura, malore dhe fushore.
Për të shmangur rrezikun nga zjarri dhe për të mbrojtur jetën e qytetarëve , pronën, bagëtitë dhe mjedisin, bëjmë apel që të jemi të gjithë të kujdesshëm dhe vigjilentë, duke:
-
Shmangur ndezjen e zjarreve në hapësira të hapura.
-
Mos të përdorim zjarë, flakë apo çdo burim tjetër zjarri pranë vegjetacionit.
-
Rregullisht mënjanoni barin e thatë, degët dhe materialet e djegshme rreth shtëpiave, vilave dhe pronave.
-
Kontrolloni gjendjen e instalimeve elektrike, veçanërisht gjatë periudhave të konsumit të lartë të energjisë.
-
Mos lëni pajisje elektrike të ndezura kur nuk jemi në shtëpi (p.sh. kondicionerë, ventilatorë, ngrohës elektrikë).
-
Përdorni me kujdes makineritë bujqësore dhe automjetet, duke shmangur punën në orët më të ngrohta të ditës kur vegjetacioni është shumë i thatë.
-
Kujdes në rrugët hyrëse dhe pikat e hidrantëve që ato të jenë të kalueshme për ndërhyrjen e shpejtë të shërbimeve emergjente.
-
Njoftoni menjëherë çdo rrezik që vëreni.
-
Ndihmoni në shuarjen e zjarrit në fazën e parë të shfaqjes, kur është e mundur dhe e sigurt të veprohet.
Reagimi ndaj rreziqeve dhe kërcënimeve është detyrë dhe obligim qytetar i secilit prej nesh!
Nëse nuk keni mundësi të veproni vetë, njoftoni menjëherë për rrezikun, në këto numra telefoni:
-
Shërbimi i Mbrojtës dhe Shpëtimit – tel. 123.
-
Drejtoria e Policisë -Njësia në Ulqin– 112
