Komuna e Ulqinit ka njoftuar se të premten, më 30 qershor, do të ketë ndryshim të regjimit të qarkullimit drejt Ranës për shkak të koncertit që po mbahet në Molen e Madhe, nën Kala, të yllit botëror të operës Ramë Lahaj.
Kështu, nga ora 15:00 do të ndërpritet qarkullimi nga kafeneja “Posejdon” në drejtim të Ranës, ndërsa në ora 18:00 nga rrethrrotullimi në Maje të Pazarit drejt Çarshisë dhe Plazhit të Vogël.
Luten banorët e Kalasë dhe Ranës si dhe mysafirët që të mos parkojnë automjetet e tyre nga restorant-piceria “Marinero” drejt Molës së Vogël.
