Javët dhe muajt e ardhshëm komuna e Ulqinit do të niset fuqishëm në aksionin e pagesës së tatimit, mëson Portali Ul-info.
Kryetari i komunës Fatmir Gjeka ka formuar grupin punues të cilin e përbëjnë bashkëpunëtorët e tij më të afërt. Qëllimi është që të paguhet të paktën një e pesta prej gjithsej gjashtë milion euro sa personat juridik dhe qytetarët i kanë borxh administratës lokale në bazë të borxheve të papaguara.
Do të fillohet nga punëtorët e komunës, pastaj të punësuarit në ndërmarrje publike ku themelues është administrata lokale dhe pensionistëve, ndërsa veçanërisht aksioni do të fitojë në vrull para dhe gjatë sezonit me pagesën e borxheve nga të ashtuquajturit uikendistë.
Aksion të ngjashëm pak kohë më parë iniciojë edhe komuna e Tivarit, ndërsa në Budve ky aksion zgjatë tash një vit.
