Kryetari i Komunës së Ulqinit Aleksander Daboviq solli vendimin për hartimin e Planit Strategjik të Zhvillimit të Komunës së Ulqinit për periudhën 2022-2029.
Ky dokument, i cili pas Planit Hapësinor – Urbanistik është më i rëndësishmi për vetëqeverisjen lokale, do të hartohet nga Grupi Këshillues, në krye të të cilit është kryetari i Komunës.
Grupi përbëhet nga 33 anëtarë, në mesin e të cilëve janë përfaqësuesit e administratës lokale dhe ndërmarrjeve komunale, si dhe organizatave joqeveritare dhe shoqatave profesionale.
