Komuna e Ulqinit, si investitor, shpalli tenderin për mbikëqyrjen e punimeve për ndërtimin e rrjetit të kanalizimit për vendbanimet Kodra, Mal i Bardh, Totosh dhe Braticë Poshtë.
Krediti për këtë investim u fitua nga Banka Evropiane Investuese me vlerë prej rreth pesë milion euro.
Sistemi sanitar i kanalizimit në këto vendbanime do të ketë gjatësi prej 11,9 kilometrash.
Periudha e pritur e implementimit të kontratës për kryerjen e punimeve është 365 ditë, plus 365 ditë për heqjen e mangësive eventuale.