Sekretari për ekonomi dhe zhvillim ekonomik në komunë të Ulqinit Milazim Mustafa ka deklaruar që nga pasojat e motit të keq janë shkatërruar 90 për qind e të mbjellave të bostanit në Shtoj.
Mustafa, i cili është kryetar i Komisionit për vlerësimin e dëmit nga fatkeqësitë natyrore, ka vizituar dje Shtojin dhe grykën e Bunës.
Sipas fjalëve të tija, dëmi i përgjithshëm i cili është shkaktuar në territorin e komunës së Ulqinit mbetet të përcaktohet.
