Komuna e Ulqinit me 29 dhjetor solli vendimin për hapjen e tenderit “për rregullimin e terrenit tek Ambulanca e vjetër në Ranë”, mëson Portali Ul-info.
Vlera e punimeve të vlerësuara është 17 mijë euro.
Siç theksohet në këtë vendim të cilin e nënshkroi kryekomunari Nazif Cungu, mjetet për prokurim publik janë siguruar me buxhetin e Komunës së Ulqinit për vitin 2016 dhe të parashikuara me Planin e prokurimeve publike.
I ashtuquajturi parking tek “Hollegroja” filloi të ndërtohet me 29 dhjetor të vitit 2013 dhe tash tre sezone është vetëm objekt betoni.
