Në hotelin “Mediteran” të enjten filloi konferenca katërditore për Sabataj Sevinë.
Në tubimin me emër “Jehonat e Sabataj Sevit në literaturën hebraike” marrin pjesë tridhjetë shkencëtarë të njohur nga Izraeli, SHBA-ja, Europa, Turqia dhe vendet e regjionit. Ky është tubimi më i madh i mbajtur ndonjëherë për këtë personalitet të jashtëzakonshëm.
“Nuk është e rastësishme që një personalitet kaq paradigmatik me rëndësi të madhe simbolike zgjodhi Ulqinin për vendin ku do të kalojë vitet e fundit të jetës së tij”, tha në hapjen e konferencës kryetari i komunës së Ulqinit Fatmir Gjeka.
Duke theksuar se prej pak kohësh një rrugë në këtë qytet mban emrin e Sabataj Sevitë, ai theksoi se në Ulqin “nuk dëshirojnë komercializim të lirë, por promocion thelbësor të vlerës së rëndësishme kulturore të kësaj hapësir”.
Tubimin e organizon Universiteti Ben Gurion në Tel Aviv, Qendra kulturore “Moshe David Gaon”, Fondacioni Lika dhe OJQ “Likud Montenegro”.
